Äten un Drinken höllt Lief un Seel tohopen

Sahneboltsches (von de Bert Roder sien Mudder)
En Tars Room
Twe Tarsen Zucker
Dat Innere van en half Vanillestang,en Drüpp Zitronensaft.
/solang koken, bit dat Gautsche hellbrun is un binnen körte Tied fast word./

Speckendicken (von de Bert Roder sien Mudder)
En Pund Mehl (witt)
Dreevördel Pund Roggenmehl
Dree Eier
Twee Packsches Anis
Half Pund Sirup
Een Spier Solt
/mit nen bitsche Melk anröhren/
Lüttje Pannkauken backen (in Palmin)
up en Siet Mettwurst un up de anner Siet fette Speck mitbraden.

Knipp
1/2 Swinskopp, 50g Buukspeck, 1 Swienslungen, 2000g Swaarn
Mit Water bedeckt 2 Stünnen un mehr gaarkaken, dör´n Fleeschwulf dreihen.
3-4 l Bulljon, 1000g Gruben, 500g Habergrütt
Gaarkaken. Daarbi düchtig röhren, denn dat brennt licht an.
1000g Zwiebeln, Swiensleber na Gootdünken, gaare Fleeschreste, je mehr desto beter
Uk dördreihen.
Swarten- un Nelkenpeper, Sölt
Na Gesmack ünnerröhren.
Alle todaten in lüttje Portionen goot dörkaken, düchtig röhren - brennt licht an !
To´n Äten dat Knipp so lange in die Pann braden, bet Deele daarvon knusperbraun woorn sünd. Daarto kannst´ goot Swartbroot, Braatkartüffeln or warmen Kartüffelsalat äten. Fröher eet man Knipp al morgens to´n Kaffee.

Wittenkohl (Footlappen)
Schaap- or Rindfleesch
in Water half gaarkaken.
1 Kopp Wittkohl
In Veddel snieden un up dat Fleesch leggen.
Sölt, Kümmel
Na Gsmack daaröber un dat ganze gaarkaken.
Dat Fleesch in Stücke snieden un up´n grooden Teller up´n disch stellen. Den Kohl mit dat Kaakwater in´n Kump daarto. Sölt un Peper daarneben. Daarto Söltkartüffeln.

Groode Bohnen (as Gemüse)
Bohnen, Söltwater
Bohnen utpalen, in Söltwater gaarkaken un up een Seeft afdrüppen laten.
60g Speckwürfel, 40g Mehl, 1/4 l Water, 1/4 l Melk, Sölt, Boddern
Den Speck utlaten, dat Mehl ünnerröhren, mit Water un Melk een helle Soße maken. De bohnen daartodoon. Sölt to´n Afsmecken. De Boddern anbrünen un öbergeten.

Koppsalat mit Specksoße
Speck
In fiene Stücke snieden, utlaten, bet he hellgeel is.
Sirup, Water, Mehl (na Gootdünken), Koppsalat.
Sirup, Water un Mehl vermischen un to den Speck geben, upkaken. De fertige Soße mutt sämig wesen. Lauwarm öber den Salat verdelen. Foorns äten!

Dicke Arfgen or Arfgenmoos
500g geele, schellte Arfgen
Good waschen un öber Nacht inweeken. Mit dat Inweekwater gaarkaken un dör een Seeft strieken.
Sölt
Mit Sölt afsmecken, up een grooden, flacken Teller bargaartig upfüllen.
100g Speckwürfel, Zwiebelwürfel
Speck- un Zwiebelwürfel glasig braden un öber de Arfgen geten.
Daarto: Mancherorts Kompott or annerwegens Suernkohl. In´n Sömmer weerd de Arfgen koolt mit kole Melk as Naäters na Braatkartüffeln äten.

Warm´Vietsebohnensalat
Frische Bohnen
Gaarkaken, or ingekaakte Bohnen warm maken.
Essig, Peper, Sölt
Vermengen un öber de heeten Bohnen doon.
Röker or döörwusen Speckwürfel, Zwiebelwürfel
Licht anbraden, öber de Bohnen geeten.
Den Salat heet äten.

Steekröbensalat
500g Steekröben, 1 Zwiebel, 4-6 Ätl. Water, 2 Ätl. Essig, 2 Ätl. Öl, Zucker, Sölt
De Steekröben in Streifen snieden, dämpen or kaken bet se gaar sünd. Zwiebel in Würfel snieden. Allns vermengen, afsmecken.

Waterröben (Stoppelröben)
Röben, Sölt, Peper, Zucker, Boddern
De Röbrn schellen, in Schieben snieden, mit Water bedeckt gaarkaken. Dat Water afgeten. Mit Sölt, Peper, Zucker un Boddern (je mehr, desdo beter) afsmecken

Blind´ Hohn
Een Stück von´n Schinken
Öber Nacht watern un denn kaken
150g Schnippelbohnen, 175g Pahlbohnen, 100g Wuddeln, 150g Abbels, 500g schellte Kartüffeln, Bohnenkruut, Tymian
Allns miteenanner gaarkaken
Sölt, Essig, Zucker
To´n afsmecken. Mannigeens dickt dat uk mit Mehl sämig an. Dat holt länger vör.

Klütjenstibbels
500g striepten Speck, 2 l Water
1/2 Stünnen kaken.
500g inweekt´ Backobst, 125g inweekte Rosinen, 2 Ätl. Zucker, 1 Zitronenschell, ´n beten Sölt
Tohopen mit den Speck gaarkaken. Daarna Mehlklütjen* insetten. Wenn se hochkaamt is dat Äten gaar.
Wien, Zitronensaft
To´n Afsmecken
*Mehlklütjen :
375g Mehl or Grieß, 2 Eier, 1/8 l Melk, 1 Teel. Sölt
Allns to eenen glatten Deeg verröhren, mit´n Ätlepel afsteeken un in Söltwater so bi 6 Minuten gaartehn laten.

Abbelklütjen
375g Mehl or Grieß, 2 Eier, 1/8 l Melk, 1 Teel. Sölt, fiensneden Abbelstücken.
Allns to eenen glatten Deeg verröhren, mit´n Ätlepel afsteeken un in Söltwater so bi 6 Minuten gaartehn laten.
Mit bruune Boddern un Zimtzucker up´n Disch bringen.

Pannkoken
500g Mehl
In een Kump doon.
5 Eigeel, 1 l Melk, ´n beten Sölt
Miteenanner verröhren un ünner Slahn to dat Mehl doon. 1 Stünn stahn laten.
5 Eisnee
Vörsichtig ünnertehn!
In eene Pann´ dünne Pannkoken in Smalt utbacken un öbereenanner up eenen grooden Teller stapeln. Twüschen de Pannkoken Zucker streihen. Daarto Appelmoos or Bickbeern.

Kartüffelklütjen (von kaakte Pellkartüffeln)
1 un 1/4 kg Pellkartüffeln von´n Vördag
Aftehn, rieben or dör´n Fleeschwulf dreihen.
2 Eier, 150g Weetenmehl, Sölt na Gootdünken, Muskat na Gootdünken
Unnermengen, mit anfeuchte Hännen Klütjen maken. In licht kakend Söltwater gaartehnlaten. De Klütjen sünd gaar wenn se baben swömmt. To´n Äten brunne Boddern or utbraarten Speck un Zwiebeln öberdoon. Daarto kannst goot Backobst or Kompott äten.

Braatbeern un Kartüffeln
1 Schinkenknaken or Rökerfleesch, 1 Lorbeerblatt, 5-6 peperkörner, 1 Stangen Borree
Koolt ansetten un 2 Stünnen sacht kaken laten.
För een Person:
3-4 Abbelringe (dröögt), 3 Zwetschen (dröögt), 3 Beern (dröögt)
Öber Nacht inweeken un mitkaken
1-2 schellte Kartüffeln
Mitkaken
Speck, Zwiebeln
In Stücke snieden, utbraden un öbergeten

Heringssalat
4 Söltheringe
Watern, aftehn, Gnoorn utnehmen, utwaschen, in Stücke snieden.
3 suure Gurken, 2 groode Abbel, 300g Bradenreste, 2 groode Zwiebeln, 100g kaakte Kartüffeln, 200g kaakte Roode Beeten, 2 hartkaakte Eier
In gliekgroode Stücke snieden,goot vermengen.
1/4 l suure Sahne, 3 Ätl. Öl, Essig, Semp na Gootdünken, Peper, Sölt
Goot miteenanner verslahn un de dörröhrte Heringsmelk ünnerröhren.
1/4 l Rotwien, 1 Ätl. Kapern
Maakt dat noch fiener. Wenn Ji´t so lang uthoolt, 24 Stünnen dörtehn laten!!

Beern un Klütjen
500g Beern, 1/4 l Water, 1 Teel. Zucker, 1 Stangen Zimt
De Beern schellen, in Veddel delen. In Water, Zimt un Zucker gaarkaken.
3 Eier, 300g Mehl, 2 Pr. Sölt, Melk na Gootdünken
Solang tohopen röhren, bet de Deeg Blasen sleit.
Mit een Lepel Klütjen afsteken un to de sacht kakenden Beern doon.  Gaartehn laten.
Veel Speck, Zwiebeln
In Würfel snieden, utbraden un öber de Beern geten.

Kürbismarmelade
5 kg Kürbis, 1 kg Abbels
Schellen un dör´n Fleeschwulf dreihen.
1 kg Zucker, Saft von 5 Zitronen
Daartodoon, vermischen un langsam to´n Kaken bringen. Nu so lang sachte kaken - so bi 3-4 Stünnen bet allns dick inkaakt is. Heet in Gläser füllen un tobinnen.
Wegen de lange Kaaktiet kaakt man düsse Marmelade an´n besten so ganz nebenbi!

Welfenpudding (Rezept von 1907)
De Welfenpudding hett den Naam na de Farben von dat Hannöbersche Königshuus: Witt - Geel.
1 l Melk, 1 Stangen Vanillje, 150g Zucker, 85g Weetenstärke
Ünner Slahn upkaken
Snee von 10 Eiern
Vörsichtig ünnertehn. Allns in Glaskümp füllen.
1 Buddel Wittwien, 2 Teel. Wittenstärke, 10 Eigeel, 250g Zucker
Ünner Slahn bi Middelhitt kört upkaken. Öber den witten Pudding doon.

Lüttje Koken von Roggenmehl (Kriegsrezept)
125g Boddern, 250g Zucker, 5 Eier
Schaumig röhren.
450g Roggenschroot, 1 Paket Backpulver
Na un na unnerröhren, wenn nödig ´n beten Melk daarto.
Dünn utrollen un afbacken
Or so :
80g Boddern, 150g Zucker, 1 Pris Sölt, 1/2 Paket Backpulver, 300g Roggenmehl, 4 Ätl. Melk,1/2 Teel. Zimt
Na un na allns tohopenröhren. Mit´n Teelepel lüttje Hümpel up een infett´ Plaaten setten, mit Zimt-Zucker bestreihen. Afbacken

Bookwetenpannkoken
500g Bookwetenmehl, 3/4 l Melk, 4 Eier, Sölt
Mehl, Melk, Eier un Sölt verröhren, 5 Stünnen quellen laten
250g striepten Speck, Smalt
Speck in Schieben snieden un in Smalt utbraden. Dütt Fett to´n Utbraden nehmen.
Den Pannkokendeeg mit´n lüttjen Kellen in de Pann doon, de Pannkoken von beiden Sieden goldgeel backen
Smeckt am besten frisch ut de Pann.

Himmel un Eer
500g mehlige Kartüffeln
Schellen, waschen, half garkaken un de Hälfte von dat Kaakwater afgeten.
125g schellte Abbels, 1 Ätl. Boddern
Mit de Kartüffeln gaarkaken, dörstampen to´n sämigen Brei
Speck, Zwiebeln
In Würfel snieden, utlaten un öber dat Moos doon, in dat vörher mit een Löpel lüttje Kuhlen drückt woorn sünd.
Daarto´n Huusmakerwuss, mannigen itt uk Backobst daarto.

Fliederbeerzuppen
400g Fliederbeeren, 1 l Water
De Fliederbeeren waschen, von de Dolden stribbeln. In Water gaarkaken, up´n Dörslag aflopen laten.
Schell von 1 Zitronen, 125g Abbelschieben, Zucker
Allns in den Saft upkaken
25g Kartoffelmehl, ´n beten Water
To´n binnen. Een Schuß Wien maakt dat noch beter.
Als Inlaag Grießklütjen or Twieback or updröögten Bodderkoken to´n Toäten.